Zuerako espetxera hurbilduko dute Eider Perez euskal presoa
Algecirasko Botafuego espetxean aurkitzen da egun Perez, Euskal Herritik 1.100 kilometrora.
Eider Perez Aristizabal preso oreretarra Zaragozako Zuera espetxera (245 kilometro) hurbilduko dutela jakinarazi dute Espainiako Espetxe Erakundeek. Algecirasko Botafuego espetxean aurkitzen da egun Perez, Euskal Herritik 1.100 kilometrora. Haren bikotekidea, Jon Igor Solana Matarran ere Algecirasetik Zuerako espetxera lekualdatuko dutela jakinarazi dute iturri berberek.
Sei preso, 3.630 kilometro
Oreretako sei euskal preso daude une honetan Sare Herritarrak eman dituen datuen arabera: Mikel Arrieta Llopis, Eider Perez Aristizabal, Juan Manuel Inziarte Gallardo, Jesus Mari Etxeberria Garaikoetxea Goierri, Xabier Goienetxea Iragorri, eta Aitzol Gogorza Otaegi.
Hurbilduko dutela iragarri badute ere Perez Aristizabal Algeciraseko (Andaluzia, Espainia) espetxean dago etxetik 1.100 kilometrora; 1.000 kilometrora aurkitzen da Goierri ere Cadizko Puerto III espetxean; Inziarte Topas (Salamanca, Espainia) espetxean dago, 470 kilometrora; Arrieta Soriako espetxean dago 262 kilometrora, eta Goienetxea Okzitaniako Mont de Marsan espetxean aurkitzen da, etxetik 140 kilometrora. Gogorza, berriz, etxean dago preso. Sei presoen artean 3.630 kilometro batzen dituzte, joan etorrian 7.260 kilometro egin behar dituzte haien senide eta lagunek astero espetxetarako bidaietan.
Guztien artean 2.970 kilometro batzen dituzte, eta beren senide eta lagunek 5.940 kilometro egin behar dituzte astero joan etorrian haiek ikusteko.
