COVID-19aren tasak gora Pasaian, Lezon eta Oiartzunen
Pasaian atzeman ziren koronabirusagatik kutsatu gehien atzo, zortzi lau barrutien artean. Errenteria-Oreretako tasa 300dik jaistear da.
Ez da lasaitu behar. Azken egunetan beherantz egin duten arren, atzoko datuen arabera, Pasaian (zortzi kutsatu gehiago), Oiartzunen (hiru) eta Lezon (bakarra) gorantz egin du azken orduetan 100.000 biztanleko COVID-19a dutenen tasak. Errenteria-Oreretan sei kutsatu gehiago atzeman zituzten atzo, tasa beherantz joan delarik.
Eusko Jaurlaritzako Osasun Sailak koronabirusaren zabalkundea neurtzeko 6.816 test (PCRak eta antigenoenak) egin zituen atzo. Horietatik 369k eman zuten positibo, %5,6k.
Jarraian, Oarsoaldeko herrietako tasen taula:
- Pasaia: 424,87 (igandean 400,93).
- Errenteria-Orereta: 328,84 (igandean 348,43).
- Lezo: 311,37 (igandean 294,99).
- Oiartzun: 183,56 (igandean 164,24).
- Gipuzkoa: 405,75 (igandean 418,30).
Osasun Sailak datu horiekin eta beste askorekin txostena egin, eta gaur zabaldu du. Hemen sakatuta hori lortzeko aukera.
