Gazteen hautua, bizitzak
Gazteak kalera deitu ditu Ernai Gazte Antolakundeak bihar. Bihar 19:00etan Herriko Plazan egin dute hitzordua, Gure hautua, bizitzak! lelopean.
Gazteak kalera deitu ditu Ernai Gazte Antolakundeak bihar. Azken asteetan “osasunaren aitzakiatan’ ezartzen ari diren murrizketak salatuko dituzte, ezinbestekoa iruditzen zaielako osasun fisikoaz eta mentalaz, elkarzaintzaz, komunitateaz eta oinarrizko eskubideez hitz egitea, “baita poliziaren kontrol eta errepresioaren areagotzea salatzea ere”.
Hamaika arrazoi dituztela kalera ateratzeko esan dute sare sozialen bidez zabaldu duten bideoaren bidez, eta beste hainbeste aldarri aterako dituztela kalera bihar. honakoak: garraio publikoa indartzea, hezkuntza erratioak jaistea, alokairuen ordainketa etetea, lanpostuak defendatzea, oinarrizko errentak bermatzea eta kriminalizazioa gelditzea.
Aldarri horiekin bat egitera deitu dituzte herritarrak, eta horretarako, bihar 19:00etan Herriko Plazan egin dute hitzordua, Gure hautua, bizitzak! lelopean.
