COVID-19agatik, aurreko asteburuan baino kutsatu gehiago Oarsoaldean
Hilaren 4tik 6rako asteburuan 35 kutsatu izan ziren Oarsoaldean, eta honetan 38. Tasek, ordea, behera egin dute herri guztietan.
Tasak jaisten ari diren arren, kutsatuen kopuruak ez du beheraldi nabarmenik Oarsoaldean. Asteburu honetan (hilaren 11tik 13ra) 38 kutsatu atzeman dituzte eskualdeko lau herrietan: 26 Errenteria-Oreretan, zazpi Pasaian, hiru Oiartzunen eta bakarra Lezon. Aurreko asteburuan, ordea (hilaren 4tik 6ra) 35 izan ziren lau herrietako positiboak.
Asteburuko kutsatuez gain, tasak kontuan hartzea komeni da. Hala, hilaren 6ko eta atzoko tasen artean bada alderik, baina ez asko. Beherakada batez ere Errenteria-Oreretan eta Lezon sumatu da. Beste herrietan jaitsiera izan da, baina apalagoa.
Hemen, atzo Oarsoaldeko herriak zituzten tasak (parentesi artean hilaren 6koak daude).
- Pasaia: 394,95 (hilaren 6an, 400,93).
- Errenteria-Orereta: 264,07 (hilaren 6an, 348,43).
- Lezo: 213,04 (hilaren 6an 294,99).
- Oiartzun: 154,57 (hilaren 6an 164,24).
- Gipuzkoa: 336,73 (hilaren 6an 418,3).
Osasun Sailak datu horiek eta beste asko gaur eman ditu, txostenean. Hori ikusteko sakatu hemen.
