Oiartzun ibaira isurtzen diren ur zikinak saneamendu sarean sartzea exijitu du Eguzkik
Arazoari irtenbidea ematea Lezoko Udala eta Errenteriako Udalari dagokiela azaldu du taldeak, "eraikinak Lezon kokatuta egonik ere, ur zikinak saneamenduko sarera bideratzeko Oreretako lurretatik pasa behar baitira".
Oiartzun ibaira zuzenean isurtzen diren ur zikinak saneamendu sarean sartzea ezinbestekoa dela esan du Eguzki talde ekologistak. Egun, Lezoko Jaizkibel etorbidean egiten ari diren eraikuntza lanetako ur zikinak, zuzenean isurtzen ari direla Oiartzun ibaira indarrean dagoen araudia urratuta salatu du, eta irtenbide egoki bat emateko ahalik eta azkarren eskatu du.
Arazoari irtenbidea ematea Lezoko Udala eta Errenteriako Udalari dagokiela azaldu du taldeak, “eraikinak Lezon kokatuta egonik ere, ur zikinak saneamenduko sarera bideratzeko Oreretako lurretatik pasa behar baitira”.
Horrenbestez, bi udal horietan eskaera bana aurkeztu dute eta arazoa konpontzeko neurriak hartzeko eskatu diete, eta Añarbeko Urak erakundeari saneamendu sarera konektatzeko baimenaren eskaera batera egieta ere.
Premiazkoa dela arazoari erantzun eta konpontzea esan du Eguzkik, aspalditik baitator, “ingurumenari mesede handia egingo liokeen konponbidea erraza delako bi udalentzat”.
