Mugimendu antinuklear eta ekologistari aitortza, Gladys del Estali buruzko dokumentalarekin
Del estal ez zen izan garai hartan bortizki erail zuten bakarra. Gazte ekologistaren aurretiazko eta ondorengo gertakariak jasotzen ditu filmak, eta garaiko euskal gizartearen gehiengoa erakarri zuen mugimendu soziala irudikatzen du.
Gladys del Estali buruzko dokumentala emango dute ostegunean, hilak 17, 19:00etan, eta solasaldia egin ondoren. Ez, eskerrik asko. Galdysen leihoa dokumentalaren bidez, bi helburu ditu, Gladys del Estal nor zen eta gertakariak nola gertatu ziren ezagutaraztea; eta, Euskal Herrian eta mundu zabalean zentral nuklearren ezarpenaren kontra 1970eko eta 1980ko hamarkadetan izandako erresistentzia mugimenduaren berri ematea.
Del estal ez zen izan garai hartan bortizki erail zuten bakarra. Gazte ekologistaren aurretiazko eta ondorengo gertakariak jasotzen ditu filmak, eta garaiko euskal gizartearen gehiengoa erakarri zuen mugimendu soziala irudikatzen du.
Udalak ahotsa eman eta aitortza egin nahi dio mugimendu antinuklear eta ekologistari, memoria historikoa goraipatuta, eta horregatik, filmaren zein ondorengo solasaldiaren emanaldietan lagundu egin du. Sarrera doakoa da, baina online erreserbatu behar da. Aforoa hogei lagunera mugatu dute eta antolatzaileek zehaztutako eserlekuetan jartzea ezinbestekoa izango da. Maskararen erabilera derrigorrezkoa da, baita hidrogelarena ere, eta irteteko itxaron egin beharko dute bertaratutakoek, antolatzaileek esandako ordenean eta distantzia errespetatuta irteteko.
Gladys del Estal ekologista donostiarra hil zutela 41 urte bete ziren pasa den ekainaren 3an. Jose Martinez Salas guardia zibilak buruan tiro bat jota erail zuen gaztea Tuteran. Energia nuklearraren kontrako ekintza eguna antolatu zuten mundu osoan 1979ko ekainaren 3an (Pennsylvania, AEB) Three Mile Island zentral nuklearrean izandako istripua salatzeko. Euskal Herrian, Tutera aukeratu zuten protesta baketsua egiteko, Arguedasen, zentral nuklear bat eraiki nahi zutelako, eta gainera, bertan zegoelako Bardeako tiro eremua. Protesta horretan parte hartzen ari zela hil zuen guardia zibilak gazte donostiarra.