Pasaiako liburutegiek ordutegi berezia izango dute Gabonetan
Gabonetako jaiak direla medio, udalerriko lau liburutegiak itxita egongo dira hil honetako nahiz urtarrileko hainbat egunetan.
Gabonetako jaien ondorioz, Pasaiako barruti bakoitzeko liburutegiek ordutegi berezia izango dute datozen egunetan. Honakoak da informazioa, kasuz kasu:
- Trintxerpe: Hilaren 21ean eta 24ean, eta urtarrilaren 4ean nahiz 5ean zabalik izango da, soilik, 10:00etatik 14:00etara. Hilaren 28an eta 31n itxita egongo da. Informazio gehiago eskura daiteke bertaratuz (Euskadi Etorbidea z/g), telefonoz deituz 943 00 43 03 zenbakira edo e-posta bidez.
- Antxo: Hilaren 21ean eta urtarrilaren 5ean zabalik izango da, soilik, 10:00etatik 12:45era. Informazio gehiago lor daiteke liburutegian bertan (Hamarretxeta 13), telefono bidez (943 51 57 37) edota helbide elektronikora idatziz.
- San Pedro: Hilaren 21ean eta 24ean itxita egongo da, eta hilaren 28an eta urtarrilaren 5ean zabalik honako ordutegi honetan: 10:00etatik 12:00etara. Kontsultak egin daitezke bertan (Herriko Plaza z/g), telefonoz (943 39 13 58) eta mezu bat idatziz.
- Donibane: Hilaren 21ean eta 24ean zabalik izango da 10:00etatik 14:00etara, eta hilaren 28an eta urtarrilaren 5ean itxita. Donibaneko Kulturgunera bertara daiteke informazio gehiago nahi duena, baita 943 52 31 86 zenbakira deitu edo e-posta bidez jarri harremanetan.
