COVID-19aren eremu gorritik urrun daude Oarsoaldeko udalerriak
Atzo, Oarsoaldeko lau herrietan zortzi positibo izan ziren orotara, horietatik sei Errenteria-Oreretan. Oiartzungo eta Lezoko tasak 200dik behera daude.
Atzo, Oarsoaldea osoan, COVID-19agatik zortzi kutsatu gehiago zenbatu zituzten: sei Errenteria-Oreretan, bana Pasaian eta Lezon, eta zero Oiartzunen (hirugarren eguna jarraian dute Oiartzunen kutsaturik gabe). Horrek ekarri du, Errenteria-Oreretan kenduta, nabarmen egin duela beherantz 100.000 biztanleko tasak herri horietan. 500eko zifratik urrun daude, oraingoz, lau herriak.
Osasun Sailak koronabirusa atzemateko 12.572 proba egin zituen atzo Gipuzkoan, Araban eta Bizkaian. Horietatik 396 izan ziren positibo, %3,1.
Jarraian, Oarsoaldeko herrietako tasen taula:
- Errenteria-Orereta: 288,98 (igandean 264,07).
- Pasaia: 287,24 (igandean 394,95).
- Lezo: 196,66 (igandean 213,04).
- Oiartzun: 125,59 (igandean 154,57).
- Gipuzkoa: 323,62 (igandean 336,32).
Osasun Sailak datu horiek biltzen dituen txostena zabaldu du gaur. Egin klik hemen hori eskuratzeko.
