Zintzilik Irratiaren zozketatzarrak baditu irabazleak
Hiru sari banatu ditu irrati libreak. Honakoak zenbaki irabazleak: 1.044; 0345; eta 1.445.
Zintzilik irratiko kideak artxiboko argazki batean. Argazkia: Zintzilik Irratia Zintzilik Irratiaren Hari batetik zintzilik kanpainaren barruan, irrati libreak zozketatzarra antolatu zuen, hiru sari handiekin. Bada, badituzte irabazleak: 1.044; 0345; eta 1.445 zenbakiak izan dira saridunak,orden horretan.
Zozketa mundiala zela iragarri zuen Zintzilik Irratiak, eta hala izan da, sariak kolektibo, idazle, bakarlari eta musika talde askoren materiala delako; sortzaileek beren alea jarri nahi izan dute Zintziliken alde. Handiena, lehengo saria. 1.044 zenbakidun txartelaren jabeak, Epiphone gitarra bat, anplifikadore bat eta lote kulturala eskuratuko ditu; 0345 zenbakidun txartelaren jabeak, berriz, 2021eko Zintzilik Irratiaren aldeko Taupada Fest jaialdirako bi sarrera eta lote kulturala eskuratuko ditu; azkenik, 1.445 txartelaren jabeak, irrati librearen materiala eta lote kulturala jasoko ditu txartelaren trukean.
Gaur eguerdian egin dute zozketa.
Txartel saridunik izan ez dutenek, sari potoloa jasotzeko ekarpena egin dute: Zintzilik Irratiaren programazioa entzuten jarraitzeko ekarpena, hain zuzen ere.
Irabazleei zorionak, eta Zintzilik Irratiari berriz, hari batetik zintzilik, edo ez…. emititzen jarraitu dezala.
