[Galeria] Hasi da kolorea hartzen San Pedroko jolasgunea
San Pedroko haurrek gaur goizean ekin diote lehen faseari. Nexgraffen laguntzaz, parkea izango den lursaileko paretak margotzen hasi dira.
San Pedroko jolasgunea sortzeko lehen fasean paretak margotzen hasi dira, Nexgraffen laguntzaz. 
Gaur goizean ekin diote Pasaia Lezo Lizeoko sanpedrotarrek herrian sortuko duten jolasgunearen lehen faseari: Nexgraff aita-semeen laguntzaz paretak margotzen hasi dira. Gazteak prozesu osoaren protagonista izan daitezen da helburua, horrexegatik ekin diote ez soilik hormari kolorea emateari, baita hori lixatu eta lausotzeari ere, pintatu aurretik.
Euskal musikak girotu du goiza, eta barre nahiz bromen artean orotariko koloreak erabili dituzte, baita elkarri kopetak margotzeko ere. Eguraldiak laguntzen duenean jarraituko dute artez betetzen horma, eta faserik fase helduko dira jolasgunea osatzeko elementuak.
