Aiton Bordako taberna esleitzeko prozesua abiatu du Lezoko Udalak
Interesdunek hilaren 14ta arteko epea dute euren proposamenak aurkezteko. Udalak hainbat laguntza emango ditu.
Otsailaren 9an egingo dute batzarra. Aiton Bordako taberna zerbitzuaren kudeatzaile bila hasi da Lezoko Udala. Esleipen prozesua abiatu du. Interesdunek hilaren 14ra arte dute eskaera aurkezteko epea. Esleipena, hasiera batean, urtebetekoa izango da eta urtez urte luzatzeko aukera dago, hiru urte bete arte.
Ezarritako baldintzen arabera, udalak hainbat kosturen zenbatekoa bere gain hartuko du, ura, argindarra eta bestelakoak. Aldi berean, udalak 500 euro emango dizkio ustiatzaileari, garbiketa eta atezaintza lanengatik. Alta, udalak ezarriko ditu tabernako gaien salmentaren prezioa, eta ustiatzailea arduratuko da beharko diren produktuak eskuratzeaz.
Ustiatzaileek ondorengo baldintzak bete behar dituzte:
- Kafetegi zerbitzua, edari hotz eta beroekin; sukaldea, osasun arauak betez.
- Zerbitzu egokia ematea.
- Tabernaren eta erretiratuen elkartearen alboko beste lokalen garbiketa.
- Erretiratuen elkartearen atezaintza zerbitzua.
Informazio gehiago izateko, joan Lezoko Udalaren webgunera.
