Egiluzeko ikasleek hitzaldi informatiboa emango dute streaming bidez
Metodologia berritzaileak sustatzen jarraitzen dutela azaldu dute ikastetxeko arduradunek, eta ekintzaren alde berritzailea, programa ikasleek beraiek diseinatu dutela dela esan dute.
Egiluze Ikastetxeko Lehen Hekuntzako azken zikloko ikasleek hitzaldi informatiboa emango dute streaming bidez ostiralean, 18:00etan. Metodologia berritzaileak sustatzen jarraitzen dutela azaldu dute ikastetxeko arduradunek, eta ekintzaren alde berritzailea, programa ikasleek beraiek diseinatu dutela dela esan dute, “ikasleek mahai inguru online eta zuzeneko horretarako egin beharreko urrats guztiak programatu dituzte, eta zuzenean aurkezteaz gain, xehetasun guztiez arduratu dira”.
Galderak eta gaiak diseinatzearekin batera, musika eta iragarkien bideoak ere haien ardura izan dira. Ikastetxeak eta aditu talde batek lagunduta, ekitaldia streaming bidez egingo dute, eta ikasleen, familien eta irakasleen laguntza izango dute. Horretarako ikastetxearekin harremanetan jarri behar dute interesdunek posta elektronikora mezua bidalita edo 943 510 654 telefono zenbakira deituta, zuzenean parte hartzeko aukera izateko.
