[Bideoa eta galeria] Sua piztu da Irurtzun poligonoko Algimaq SM enpresan
Antza denez, rotaflex batek eragindako txinparten ondorioz piztu du sua. Suhiltzaileak, Udaltzaingoa eta Ertzaintza bertan dira.
Enpresaren bi pabiloietako baten barruan piztu da sua. Sua piztu da Lezoko Sagasti industriaguneko Irurtzun kalean dagoen Algimaq SM enpresan. Antza denez, rotaflex batekin lanean ari zirela, makinak sorturiko txinparta batek piztu omen du sua. Enpresaren bi pabiloietako baten barruan zegoen materiala kaltetu du azken horrek. Suhiltzaileak, Udaltzaingoa, Ertzaintza bertan dira une honetan, eta sua itzali dute dagoeneko. Anbulantziak ere bertaratu dira.
Langilerik ez da kaltetu; kalte materialak eragin ditu suak, pabiloietako baten sabaian eta barruko materialean, zehazki, baina ez dute zehaztasun gehiagorik eman.
Suteak eragin duen ke zutabea urrutitik ikusten zen. Bideoa, Errenteria-Oreretako bizilagun batek helarazi du, bertatik ikusi da suteak sortutako ke zutabea.
