Asteburuan 37 positibo Oarsoaldean, eta Labiren neurri gehiago
Euskal Herri osoan positiboen kopurua gorantz doan bitartean, Lezon salbuespena: azken bost egunean ez da positiborik izan herrian.
Gotzone Sagardui Osasun sailburua. Oarsoaldean ere, COVID-19aren kutsatuen gorakada sumatu da asteburuan. Errenteria-Oreretan 22 gehiago atzeman dituzte (sei ostiralean, zazpi larunbatean, bederatzi igandean), hamabi Pasaian (sei ostiralean, bi larunbatean eta lau igandean), hiru Oiartzunen (bakarra ostiralean, bi larunbatean) eta bat bera ere Lezon: herri honetan bost egun jarraian egin dituzte zero positiborekin. Tasetan aldaketa izan da batez ere Pasaian eta Oiartzunen, goranzkoa.
Bestalde, Labik gaur bilkura egin du, azken aldiko positiboen gorakadaren gaineko gogoeta egin, eta neurri gehiago ezartzeko. Beheko estekan klikatuta horren informazio osoa.
Gauzak horrela, honakoak dira atzoko (igandea) 100.000 biztanleko tasak herriz herri.
- Errenteria-Orereta: 363,4 (hilaren 6an 363,4).
- Pasaia: 263,13 (hilaren 6an 185,38).
- Oiartzun: 135,02 (hilaren 6an 96,44).
- Lezo: 98,68 (hilaren 6an 155,13).
Datu horiek eta beste asko gaur eman ditu Osasun Sailak. Gainera, Labiren bileran hainbat neurri berri hartu dituzte. Horiek ikusteko joan sail horren webgunera.
