'Ezezagunerako bidaia' liburua aurkeztuko du Iñaki Petxarromanek
U30 Aldaketaldia iniziatibaren barruan antolatu dute aurkezpena. Kazetaria da Petxarroman, eta mundua, klima eta ekologiaren krisiaren gainean mintzo da bere azken liburuan.
Datorren ostegunean aurkeztuko du Petxarromanek bere liburua. Iñaki Petxarroman kazetariak, Ezezagunerako bidaia. Mundua, klima eta ekologia krisian liburua aurkeztuko du Xenpelar Etxean datorren asteazkenean. Aurkezpena, U30 Aldaketaldia iniziatibaren barruan kokatuta dago, eta horren atzean, berriz, Larreko Mahaia dago —ELA,LAB, CCOO, ESK, STEILAS, EHNE, Ikasle Sindikatua, Greenpeace, Eguzki, Errausketaren Aurkako Mugimendua, GuraSOS, Ernai, Fridaus For Future eta Extinction Rebelionek osatzen dute—.
Mahai horren helburua, hilaren 30aren bueltan ahal den herri, auzo, ikastetxe, lan zentro guztietan, klima, bioaniztasun, eta oro har ingurumen larrialdia salatzeko ekintzak antolatzea da, betiere, ikuspegi lokaletik.
Izan ere, argi baitute mahaiaren osatzaileek, krisia globalari lokalean ekin behar zaiola, , “planetari gertatzen ari zaiona gurean hasten dela argi adierazi nahi dugu; gure garraio, hondakin, bioaniztasun, lurralde antolaketa, edota ibaien saneamendu politiketan. Beraz, lokala eta globala uztartzeko ekimena izatea nahi dugu, ingurumen larrialdi honi eraginkortasun handiagoz aurre egiteko abiapuntu”.
Agintari politikoei pandemiaren aitzakian eredu ekonomiko eta sozial jasanezinean sakondu eta larrialdi egoera areagotzen jarraitzea egotzi die Larreko Mahaiak, “beharrezkoa da norabide aldaketa sakona exijitu eta trantsizio ekologiko eta sozialki justu baten alde urratsak egingo dituen euskal jendartea aktibatu eta saretzea”.
Zaldibarko zabortegia behera etorri zeneko urteurrena beteko da, gainera, otsailaren 6an. Joaquin Beltranen gorpua ez dute oraindik aurkitu. U30 Aldaketaldia iniziatibaren bidez hori ere gizarteratu nahi dute, “Zaldibarren ari geratu baita, Euskal Herrian, ingurumen alorrean, gauzak ez direla ondo egin, edo ez direla ondo egiten ari”.
Petxarromanen liburuaren aurkezpena, hilaren 21ean izango da, 19:00etan hasita, Errenteria-Oreretako Eguzkik, Ekologistak Martxan, GOT, eta AHTreik ez taldeek antolatuta.
