Donibaneko historian zehar bidea egiteko hamabi erronka prestatu dituzte
Herriko ondarea ezagutzera emateko hamabi desafio dinamiko proposatu dizkie 'Sanjuandarren oroimena' taldeak bizilagunei.
Patxi Sein Legorburu sanjuandarra, behin arraina harrapatuta, itsasontzi barruan egiten ziren lanei buruzko azalpena ematen. 
‘Sanjuandarren oroimena’ taldeak hamabi erronka ezberdin (hilabete bakoitzeko bana) prestatu ditu 2021. urterako diseinatutako egutegiaren baitan. Lan horrek bizilagunek ondarea ezagutzeko tresna bilakatzea du helburu.
‘Sanjuandarren oroimena’ taldea 2019an sortu zen Pasaiako Tokiko Bildumaren bidean urratsak emateko helburuarekin. Joan den urtean zehar sanjuandarren testigantzak jasotzeko bideoak grabatu eta argazki zaharrak aztertzeari ekin zioten, eta ahaleginak urtearen amaieran amaieran loratu ziren, 2021eko egutegiaren sorrerarekin.
Udalaren laguntzaz egutegia herritarren artean banatu eta, horren harrera ona ikusita, hilabeterokoaren inguruko ekintza parte hartzailea proposatu du taldeak: hil bakoitzeko argazkiarekin loturiko galderak erantzuteko egitasmoa.
Jokoaren euskarri izan dadin, webgune berri bat sortu dute; bertan, bideoz jasotako sanjuandarren testigantzak entzuteko aukera eskaintzeaz gain, hilabetero desafio bat proposatu dute. Erronkari ekin ahal zaio esteka honen bidez.
