'Mundua aldatzen duten keinuak', Lezoko etxeetara
Mundua aldatzeko herritar bakoitzak duen arduraz jabetzeko kanpainarekin bat egin du udalak. Herriko etxeetan bi poltsa banatu ditu.
Gaur eman du udalak egitasmoaren berri. Mundua aldatzeko herritar bakoitzak duen ardura eta erantzukizunari erreferentzia egiten dion kanpainarekin bat egin du Lezoko Udalak, Mundua aldatzen duten keinuak egitasmoarekin alegia. Horren barruan, Lezoko etxe guztietan kanpainari lotutako gaiak banatu ditu ditu, oihalezko bi poltsa zehazki.
Ion Pombar Kultura zinegotziak adierazi du mundua aldatzen duten keinuak, herritarren esku dauden keinu txikiak direla: “Pertsona bakoitzak bere aletxoa eman dezake eta mundu hobe baten eraikuntzan lagundu”. Hala, udalak keinu horietan irmo sinisten duela zehaztu du, eta poltsen banaketa ildo horretatik doa.
Udalaren arabera poltsekin hainbat funtzio bete nahi dituzte: “Birziklapena eta berrerabilera sustatzea, plastikoaren erabilera murriztea, tokiko kontsumoa sustatzea, euskara bultzatzea… Batu zaitez kanpainara, eta alda dezagun mundua guztion artean!”.
Ondoko irudia dute etxeetara banatu diren poltsek.
