COVID-19: Lezo gorrian sartu da
Lezoko tasa metatua 378koa zen igandean, eta atzoko datuekin, 542raino igo da. Astelehenean erabakiko du Jaurlaritzak ostalaritzak itxi beharko duen.
Oarsoaldean bi udalerri daude koronabirusaren eremu gorrian: joan den astean Pasaia sartu zen, eta atzoko datuen arabera, Lezo ere bai (542,76ko tasara iritsi da). Horrek esan nahi du: astelehenean erabaki behar du Eusko Jaurlaritzak zein udalerrik bete beharko dituzten asteartetik aurrera eremu gorrien eskakizunak (tartean ostalaritza guztiz ixtea), eta egun horretan Lezoko tasak 500etik gorakoa izaten jarraitzen badu, itxiera agindua gauzatuko da.
Atzo, Errenteria-Oreretan COVID-19agatik hamahiru kutsatu gehiago atzeman ziren, zortzi Pasaian, bost Lezon eta hiru Oiartzunen. Gauzak horrela, gisa honetara daude Oarsoaldeko herritako tasak:
- Pasaia: 645,86 (igandean 627,92).
- Lezo: 542,76 (igandean 378,29).
- Errenteria-Orereta: 400,74 (igandean 405,71).
- Oiartzun: 337,54 (igandean 212,17).
- Gipuzkoa: 534,24 (igandean 475,53).
COVID-19aren datu gehiago nahi izanez gero, joan Osasun Sailaren webgunera.
