Ostiral, larunbat eta igandean, bederatzi kutsatu Oarsoaldeko herri guztien artean
Lezo eremu berderaino iritsi da, hau da, 100.000 biztanleko tasa 50etik beherakoa da. Beste herrietan ere beherakada nabarmena izan da.
Zeharo behera egin dute asteburuan Oarsoaldeko lau herrietan COVID-19ak kutsatutakoen kopuruek, eta tasek.
Asteburu osoan, ostiraletik igandera, orotara bederatzi positibo gehiago atzeman dituzte lau herrietan: lau Errenteria-Oreretan (bi ostiralean eta bana larunbat nahiz igandean), hiru Pasaian (egun bakoitzeko bana), eta bakarra Lezon nahiz Oiartzunen (horiek, biak, ostiralean).
Zenbaki horiekin, Lezo eremu berdera jaitsi da, hau da, larrialdi egoeratik kanpo dago 100.000 biztanleko tasa 50etik behera jarri delako. Beste herrietan ere oso nabarmena izaten ari da tasaren jaitsiera. Honakoak dira:
- Errenteria-Orereta: 109 (ostegunean 144).
- Pasaia 334 (ostegunean 376).
- Lezo: 49 (ostegunean 98).
- Oiartzun: 192 (ostegunean 279).
