Pasaian izan ezik, Oarsoaldeko beste herrietako COVID-19aren tasak berdin edo beherago

Asteburuan COVID-19agatik jaso diren positibo gehienak Pasaian izan dira, bederatzi. Errenteria-Oreretan lau kutsatu gehiago, eta Lezo nahiz Oiartzunen zero.

Urko Etxebeste

Oarsoaldea

2021/03/08

Pasaian kenduta, Oarsoaldeko herrietako tasek beheranzko joerarekin jarraitu dute asteburuan. Errenteria-Oreretan orotara lau positibo gehiago jaso dituzte osasun zerbitzuek ostiraletik igandera (bana ostiral eta larunbatean, bi igandean). Lezon eta Oiartzunen ez da kutsaturik izan asteburuan. Eta Pasaian, hiru atzeman zituzten ostiralean, bost larunbatean eta bakarra igandean.

Datu horiekin, honakoak dira egun Oarsoaldeko lau herrietako 100.000 biztanleko tasak:

Pasaia: 215 (ostegunean 209)
Errenteria-Orereta: 64 (ostegunean 77).
Oiartzun: 48 (ostegunean 86).
Lezo: 32 (ostegunean 32).

Erlazionatutako edukiaErrenteria-Oreretako Reina aretoa, COVID-19aren txertaketa gune

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.