Lekuonaren gainean "gardentasuna" eskatu du PSE-EEk
Lekuona eraikina. Argazkia: PSE-EE Udaberrian aurreikusita dago Lekuona Fabrikak ateak zabaltzea, bide luzea eta korapilatsua egin ostean. Errenteriako alderdi sozialistaren bozeramaile Isaac Palenciak prentsa ohar bidez, “gardentasuna” eskatu dio udalari: “Urteak daramagu informazioa eskatzen Lekuona eraikitzeko proiektuak, lanak eta hornitzeak zein kostu izan duten jakiteko eta ez dugu ezer jaso. Informazioa eta gardentasuna eskatzen dugu beraz”.
Lekuonaren gaineko kudeaketa “txarra” leporatu dio halaber, Palenciak, gobernu taldeari: “Eraikinarekin izaten ari diren atzerapenak kontuan hartuta uste dugu eskubidea dugula guk eta herritarrek jakiteko dirutan zer suposatu duen, zein kudeaketa mota egingo den eta etorkizunean hura mantentzeko zenbateko gastua aurreikusten den”.
