Jaixki AFT, Lezoko kirol taldeen artetik asteburuan irabazi duen bakarra
Araban irabazi zuten areto futboleko taldeek. Munttarperen hiru taldeek etxean jokatu dute. Allerruko gizonen taldea, eskualdeko derbian galtzaile.
Touring KE zuzenean eman zuen Allerruren kontrako partida. Bertakoa da irudia. Kirol asteburu gris samarra Lezon. Herriko talde guztiak lehian hasi ez badira ere (datorren asteburuan geldirik dauden asko jardunean hasiko dira), aste bukaera honetan lortutako emaitzak ez dira nahi bezain onak izan. Lezoko taldeek jokatu dituzten bost partidetan, garaipen bat, berdinketa bat, eta hiru porrot.
Jaixki AFT izan zen garaipena lortzen bakarra, Araban. Allerruko gizonen talde nagusiak eskualdeko derbia galdu egin zuen Plazetan. Eta Munttarpeko emakumeen talde nagusiak puntu bat gorde ahal izan zuen etxeko neurketan, eta gazte mailetako bi taldeek galdu egin zuten.
Honakoak dira lehian izan diren taldeek lortutako emaitzak:
ESKUBALOIA
Emakumeen Gipuzkoako Lehen Maila
- Munttarpe-Tolosa 19-19.
Emakumeen Gazte Maila
- Munttarpe-Leizaran 18-25
Emakumeen Kadete Maila
- Munttarpe-Usurbil 18-44
FUTBOLA
Gizonen Erregional Ohorezko Maila
- Allerru-Touring 1-2
ARETO FUTBOLA
Gizonen Euskal Liga
- Zirauntza-Jaixki AFT 2-3
