Odola emango dute datorren asteazkenean Antxon
Odola emateko saioa egingo dute hilaren 17an Antxoko Kultur Etxean, 16:30ean hasita eta 20:10a arte. Aurretiko hitzordua ezinbestekoa izango da.
Antxon izandako odol emate saio bateko artxibo irudia. 
Datorren asteazkenean -hilak 17- odola emateko saioa egingo dute Pasai Antxoko Kultur Etxean. Gutxi gorabehera, 16:30ean hasi eta 20:10a arte hartuko dituzte emaileak, eta horiei guztiei aurretik hitzordua emango diete antolatzaileek.
Azken saioa otsailean egin zuten, eta 27 poltsa jaso zituzten orduan. Horien artean bat lehenengo aldiz odola eman zuen boluntario batek bete zuen, eta horren garrantzia nabarmendu dute: “Hauek beharrezkoak izaten dira naturaltasunez izaten diren bajak ordezkatzeko”. Jende gazteari dei egin diote odola ematera anima daitezen.
