Nazkatuta daudela salatzeko elkartuko dira sanpedrotarrak
'Nazkatuta gaude' lelopean, mobilizazioak antolatu eta aldarrikapenak prestatzeko geltoki zaharrean gelditu dira gaur 19:00etan.
Gaur goizean hainbat pintaketa agertu dira berriro barrutiko hainbat zonaldetan. Udaleko langileek ezabatu dituzte jada. 
Sanpedrotarrek “nazkatuta” daudela salatuko dute asteburuan. Oraindik ez dute aurreratu, zehazki, larunbat eta igande eguerdietan egitea aurreikusi duten mobilizazioak zertan izango diren, izan ere, hori guztia adosteko elkartuko dira gaur 19:00etan barrutiko geltoki zaharrean.
Arratsaldeko topaketan, larunbat eta igandeko ekintzak eztabaidatu eta antolatzeaz gain, horietan erabiliko dituzten pankartak eta bestelako aldarrikapenak ere prestatuko dituzte. Bizilagunak animatu dituzte bertaratu daitezen oihalak, margoak eta ideiak eramanez.
