COVID-19aren aurrean biztanleria eta ostalariak sentsibilizatzeko kanpaina, Lezon
Dinamizatzaile talde batek COVID-19aren aurrean herritarrek eta ostalariek hartu beharreko oinarrizko neurriak oroitaraziko ditu.
Gaur, osteguna, Eusko Jaurlaritzako Turismo eta Ostalaritza zuzendaritzak nahiz Gipuzkoa, Bizkai eta Arabako ostalaritza elkarteek bultzatutako sentsibilizazio kanpaina egingo dute Lezon. Kanpainaren helburua da herritarrak eta ostalaritzaren sektorea sentsibilizatzea COVID-19ari aurre egiteko behar diren neurri higieniko-sanitarioak kontuan har ditzaten. 2020an antzerako kanpainak egin ziren herriz herri.
Kanpainaren berri emango dutenek kontuan hartu beharreko bost atal oroitaraziko dituzte: musukoaren erabileraren derrigortasuna, elikagaiak edo edariak hartzen direnean izan ezik; eserita kontsumitzearen derrigortasuna; gehienera lauko taldeetan biltzea; eskuetako garbitasuna; eta 1,5 metroko pertsonen arteko distantzia mantentzea.
Gipuzkoan, 5.000 biztanletik gorako herri guztietan egingo dituzte kanpainaren barruko agerraldiak martxoan eta apirilean.
