Bueltan dira batelak, Trintxerpen
Gipuzkoako Batel Ligako jardunaldia egingo dute larunbatean Trintxerpen, 10:30ean. Zaleei ez joateko eskatu die Illunbe antolatzaileak.
Gipuzkoako Batel Txapelketa jokatuko da asteburuan badian Bueltan dira batelak. Larunbatean eta igandean, Gipuzkoako Batel Ligako estropadak egingo dituzte. Larunbatekoa Pasaian da, Trintxerpen (10:30ean hasita), Trintxerpe-Illunbe Arraun Elkarteak antolatua. Igandeko jardunaldia Donostian egingo dute, Urumean (09:30), Loiolako Erriberako eremuan. Ohar garrantzitsua: zaleei eskatu diete ez daitezela joan estropadak ikustera, COVID-19agatik segurtasun neurriak betetze aldera.
Trintxerpeko estropadan Haurren (neskak eta mutilak), Promesen (neskak), kadeteen (mutilak) Gazteen (neska eta mutilak) eta absolutuen mailetako batelak egongo dira, 67 bote denera.
Oarsoaldeak ordezkaritza zabala izango du bi egunetan. Izan ere, Hibaikako, San Juango, San Pedroko eta Illunbeko ontziek ez dute hutsik egingo: 25 batel dira bertakoak.
