Biodibertsitateaz gozatzeko Aste Santua prestatu du Materrek
Guztira sei ekintza antolatu dituzte: Jaizkibelgo itsaslabarretara bisita, antxoa kontserba tailerra eta zetazeoen begiztatzea, besteak beste.
Antolatutako edozein jardueratan parte hartzeko aurretik erreserba egin beharko da. 
Mater Ontzi Museo Ekoaktiboak plan berezia prestatu du datozen egunetarako. Ezohiko Aste Santurako planik egin ez duen oro gonbidatu dute honako jarduera hauetan parte hartzera:
- Osteguna, apirilak 1. Jaizkibelgo itsaslabarretara bisita 12:00etatik 13:30era. Helduentzako prezioa 30 eurokoa izango da, eta haurrentzako 15.
- Ostirala, apirilak 2. Antxoa kontserba tailerra 12:00etatik 13:30era. Prezioa: 20 euro.
- Larunbata, apirilak 3. Zetazeoen begiztatzea 08:00etatik 16:00etara. Prezioa: 99 euro.
- Igandea, apirilak 4. Jaizkibel-Paramoudrak ibilbidea 10:00etatik 14:00etara. Prezioa: Helduek 15 euro eta haurrek 10 euro.
- Larunbata, apirilak 10. Biodibertsitate tailerra 12:00etatik 13:30a arte. Helduen sarrerak 8 euro balio ditu, eta haurrenak 6.
- Igandea, apirilak 11. Hirigune historikoaren ibilbidea 12:00etatik 13:00etara. Haur bakoitzagatik 15 euro ordaindu beharko da, eta helduek 30.
- Bisita ekoaktiboa. Aipatutakoez gain, bisita ekoaktiboak antolatu dituzte apirilaren 2, 4, 5, 7, 9 eta 11rako. Prezioa: helduak 7 euro eta haurrak 5.
- Bisita arrantzalea. Arrantzarekin lotutako bisitak ere egingo dituzte apirilaren 1, 3, 6, 8 eta 10ean. Prezioa: helduak 7 euro eta haurrak 5.
Edozein jardueratan parte hartzeko aurretiko erreserba egin beharko da 619 81 42 25 telefono zenbakira deituz edo posta elektroniko bidez mezu bat idatziz.
