Ostiralean zabalduko dute Aiton Borda
Lezo COVID-19aren eremu gorrian dagoenez, hasteko bazkarietarako soilik izango da zabalik Aiton Borda. Etxez etxeko zerbitzua dute.
![](https://oarsoaldea.hitza.eus/site/files/2021/04/aiton-borda.png)
Hainbat hilabetez itxita egon ostean Aiton Borda Lezoko erretiratuen elkarteko taberna ostiralean zabalduko dutela jakinarazi dio Lezoko Udalak HITZAri, esleipen prozesu publiko luzearen ondoren. Lezo COVID-19aren eremu gorrian dagoenez, otorduetara mugatuko da euren jarduna hasiera batean.
Hala, eguneko nahiz asteburuetako menuekin (13:00etatik 16:30era) eta etxera eramateko otorduekin hasiko dute bidea zerbitzua kudeatuko dutenek. Eskaerak egiteko bi telefono zenbakira dei daiteke: 943 94 27 17 edo 722 51 74 35 (arratsaldetan 21:00ak arte).