Eremu gorrian da Errenteria-Orereta
Zehazki, 408,20an dago tasa, eta 400dik gorakoak sartzen dira eremu gorri horretan.
Eremu gorrian sartu da gaur Errenteria-Orereta, 100.000 biztanleko 400eko tasa gaindituta. Zehazki, 408,20an dago tasa, eta 400dik gorakoak sartzen dira eremu gorri horretan. Eusko Jaurlaritzaren Osasun Sailak astearteetan egiten du herriz herrikako tasen datuen azterketa, eta asteazkenetan jartzen dira indarrean horren araberako murrizketak. Lezo eta Oiartzun atzotik (hilak 7, asteazkena) ari dira izaten zonalde gorrian izateagatik murrizketak.
Tasa gaindituta gorrian badago ere, datorren asteazkenera arte ez dira, beraz, helduko murrizketak udalerrira baldin eta tasa 400etik gorakoa bada (erreferentziazko datua asteleheneko kutsatuak eta tasak izango dira, asteartean jakinaraziko direnak).
Baheketa masiboak, bestalde, hirugarren eguna du gaurkoa. Gaur goizean behintzat, ez da atzo izan zen ilara luzerik izan Merkatuzar eremuan. Atzo eguerdian, astearteko baheketa masiboan egindako proben emaitza ezagutarazi bazuten ere, HITZAk gaur ez du datu hori jasotzeko aukerarik izan.
Osasun Sailaren txostena osorik, hemen kontsulta daiteke.