"Herritarrei eskerrak eman nahi dizkiegu erakusten ari diren konpromisoarengatik"
Orain arte 4.715 PCR proba egin dituzte, eta biharko, berriz, 1845 pertsona daude deituta.
Gaur ez da aurreko bi egunetako ilararik ia izan Merkatuzarren PCR probak egiteko. Argazkia: Herri Bizia Hirugarren eguna du gaurkoa Osakidetzak eta Osasun Sailak deitu duten baheketa masiboak. Herenegun eta atzoko irudiekin lade handia gaurkoan, ez da ilararik apenas sortu Merkatuzar inguruan, eta herritarrek deiari erantzuten jarraitzen diote, arduraz. Errenteriako Udalak prentsa oharra zabaldu du gaur, atzo egin bezala. Ohar horretan, eskerrak eman dizkie herritarrei behaketaren testuinguruan erakusten ari diren konpromisoarengatik.
Eskerrak eman da, oraindik ere hitzordua eskatu ez duten herritarrak horretara deitu ditu, Iztietako anbulatoriora (943 00 79 40) edota Osasun Aholkura (900 20 30 50) deitu eta hitzordua har dezaten PCR probak egiteko. Jasotako dei kopurua handia izaten ari da. Udalak jakinarazi du dagoeneko larunbaterako hitzorduak ematen ari direla PCR probak egiten jarraitzeko, eta ziurtatu du, dispositiboa behar adina denbora zabaltzeko konpromisoa dagoela.
4.715 PCR proba eginak
Osasun Sailak eta Osakidetzak ere prentsa oharra zabaldu dute Errenteria-Oreretan egiten ari diren baheketa masiboaren gainean. Orain arte 4.715 PCR proba egin dituztela jakinarazi dute, eta biharko, berriz, 1845 pertsona daudela deituta azaldu.
Argibide batzuk ere ekarri dituzte gogora. Hala, baheketan parte hartzeko ezinbestekoa dela aurrez hitzordua eskatzea nabarmendu dute, baita ordutegia errespetatu behar dela ere, “aurreko egunetan sortu diren ilarak saihesteko eta errenteriarren segurtasuna bermatzeko”.
