Hilaren 13an, odola emateko aukera Oiartzunen
Manuel Lekuona Bibliotekan izango da odola emateko aukera, 16:30etik 20:10ak arte. Aldez aurretik hitzordua eskatu behar da.
Manuel Lekuona Bibliotekan eman ahal izango da odola. Oiartzungo Odol Emaileen Taldeak hilaren 13rako (asteartea) elkartasun keinua egiteko deia egin die herritarrei. Manuel Lekuona Bibliotekara joan behar dute odola eman nahi dutenek, 16:30etik 20:10etara.
Aurrez eskatu behar da, ordea, bertara joateko hitzordua, “jendea ez pilatzeko eta ahal den denbora gutxiena egoteko inguruan”, taldekideek adierazi dutenez. Hitzordua eskatzeko honako telefono zenbakietara deitu behar da, asteartean bertan, 09:00etatik aurrera: 943 00 78 85 edo 943 31 70 91.
Odol emaileen taldekoek adierazi dutenez, iaz asko jaitsi egin zen jasotako odol kopurua. Eta nabarmendu dute, saioa bitartean beharrezkoak diren osasun segurtasun neurri guztiak bermatuta daudela.
Bidenabar, otsailean jasotako datuen berri eman dute: 46 emaile hurbildu ziren bibliotekara, horietatik bat lehenengoz.
