Bost astean 75 kilo hondakin bildu ditu Seabin Pasaiak badian
Hondakinetatik gehienak mikroplastikoak izan dira, bildutako guztiaren %75. Belar artifizial zati asko agertu direla nabarmendu dute.
Seabin Pasaia egitasmo pilotua emaitza ematen hasi da. Pasaiako badiako ur gaineko zaborra biltzen du irazgailu antzeko sistema erabiltzen duen gailuak. 2020ko irailean instalatu zuten, baina kokapen egokia bilatu artean, mugitzen izan dira. Baleko kokapena hartuta, bost astean gailuak egindako lanaren berri eman zuten atzo Gipuzkoako Foru Aldundian. Aldundiak eta Mater Museoak elkarlanean dute martxan egitasmoa.
Jasotako datuen arabera, bost aste horietan 75 kilogramo hondakin (ur azalekoak) jaso zituen gailuak, bi bat eguneko. Kalkuluen arabera, 22.200.000 litro ur iragazi zituen. Eta horietatik 27.547 item edo hondakin zati jaso zituen Seabinek, %75 mikroplastikoak (20.972 zati). Mikroplastiko horietatik gehienak (%40) poliespan materialekoak izan dira. Materreko kideek nabarmendu dute, jasotako hondakinetan belar artifizialeko zuntz asko izan direla.
Ezarritako funtzionamendu protokoloaren arabera, Seabin 12 orduan behin husten zuten, bertan pilatutako hondakinak aztertzeko eta sailkatzeko. Batez beste, bi minutu eta erdiro mikroplastiko bat jaso du Seabinek.
Mundu osoan Pasaian dagen gailuaren antzeko beste 1.000 daude Bizkaiko Golkoan, Pasaiakoa da bakarra.
