[Galeria] "Diru Sarrerak Bermatzeko Errentaren eskatzaileen laurden bat 65 urtetik gorakoa da"
Haserrea nabaria zen elkarretaratzera bildu direnen artean. Toledoko Ituna izan dute jomugan, dagoeneko eskasak diren pentsioak, miseriazkoak bilakatuko dituelako.
Duintyasunaren protestan emakume bat pentsio duinen aldeko aldarria duen kartelarekin. Udaberriko oporren ostean, indartsu hartu dute kalea jubilatu eta pentsiodunek. Haserrea nabaria zen elkarretaratzera bildu direnen artean. Toledoko Ituna izan dute jomugan, dagoeneko eskasak diren pentsioak, miseriazkoak bilakatuko dituelako. Horren harira, “heldu gazteei” dei egin diete; izan ere, askotan esan du Duintasunak pentsioena ez dela soilik beren kontua, etorkizunean, gaur egun langile aktibo direnei, langabeei, gaur egungo ikasleei ere eragingo dielako auziak, eta borrokara batzera deitu ditu guztiak, “etorkizun benetan latz eta zaila daukagula agertoki honetan.
Gizartean arrakala soziala areagotzen ari dela salatu dute: “Araba, Bizkai eta Gipuzkoako pentsio pribatuen funtsa 26.461 miloi eurokoa da eta milioitik gora dira aurreikuspen pribatuak dituztenak, enpresa handi batzuek eta Eusko Jaurlaritzak babestuta”. Toledoko Itunaren negoziazioan parte hartzen ari diren eragileen “opakutasuna” eta informazio falta deigarria dela salatu dute eta datozen hilabeteetan heldu daitekeen egoeraren gaineko kezka azaldu dute, “horregatik, guntsezkoa eta premiazkoa da pentsiodunen mugimenduak erantzun sozial handia ematea, sindikatuekin eta beste gizarte mugimendu eta talde batzuekin lankidetzan, pentsio publiko duinak eta lan eta eskubide sozialak defendatzeko”.
Horren harira Maitatzean mobilizazio handia iragarri dute; sindikatuekin, mugimendu feministarekin, EAEko tokiko merkataritza elkarteekin eta bestelako eragileekin elkarlanean ari da pentsiodunen eta jubilatuen mugimendua mobilizazio horri begira ahalik eta jendetsuena, eta anitzena izan dadin, “pentsioena guztioi dagokigulako”.
Pobrezia gero eta handiagoa
Pobreziaren kopuruek erakusten dutela egoeraren larritasuna esna dute, bestalde gaurko protestan. Kezkatuta azaldu dira oso, gero eta gehiago direlako elikagai ban¡kuetara eta gizarte laguntzera jo behar duten pertsonek biziraun ahal izateko. Gipuzkoan DSBE Diru Sarrerak Bermatzeko Errentaren jasotzaileak 12.567 izatetik 13.532 izatera pasa dira pandemiaren testuinguruan Duintasunak gaur emandako datuen arabera, eta horietatik %19 65 urtetik gorakoak dira, “adin taldeen arabera, adinekoen artean izan da igoerarik nabarmenena”.
Argi esan dute: ez dute onartuko pentsioak murriztea, “1.080 euroko gutxieneko pentsioa defendatzen jarraituko dugu”.
