Hiru puntu eta erdian egin dute delituek gora Errenteria-Oreretan 2020an
2020a. urtean, Udaltzaingoak aurreko urtean baino 56 delitu kasu gutxiago izan zituen. Orain, memoriarekin, bi polizien datuak batuta 58 kasu gehiago izan dira, %3,53 gehiago. Zehazki, 2019an 1.640 izatetik, 2020an 1.698 izatera pasa dira.
Udaltzaingoaren bulego mugikorra iztietan Eusko Jaurlaritzaren Segurtasun Sailak argitaratzen duen erregistratutako delinkuentzia datuen txostena argitaratu du. Errenteriako Udalak jakinarazi du txostena argitaratzearekin batera udalak eta Ertzaintzak bilera egiten dutela; bilera horretan, alkateak eta udaltzainburuak hartzen dute parte. Datuak lehen eskutik jasotzeaz gain, datuek eta ikusten diren joeren irakurketa eta balorazio bateratua egiten dela eta ondoren, udalak, herritarrekin partekatzen dituela datuak aipagarrienak ezagutzera emanda azaldu dute.
Segurtasun Sailaren ardurapeko datu horien argitarapena aurten beste urteetan baino gehiago atzeratu dela eta horregatik, oposizioko alderdiekin partekatu ondoren, udaltzaingoaren buruzagitzak zituen datu partzialak jendaurrean aurkeztu zituela azaldu du udalak, “otsailaren 26an izan zen hori, eta argi adierazi zen Ertzaintzaren datuen zain geundela, azken balorazio orokorra egiteko”.
2020a. urtean, Udaltzaingoak aurreko urtean baino 56 delitu kasu gutxiago izan zituen. Orain, memoriarekin, bi polizien datuak batuta 58 kasu gehiago izan dira, %3,53 gehiago. Zehazki, 2019an 1.640 izatetik, 2020an 1.698 izatera pasa dira.
Datu horiek, hilaren 23an (asteazkena) egingo den bileran aztertuko dituzte, eta ondoren, irakurketa partekatu bat egingo dutela jakinarazi du udalak, “azken urteetan egin den bezala”.
