Itsastarrak mendi taldeak Alex Txikon Donibanera ekarriko du
'La montaña desnuda. Primera ascension invernal al Nanga Parbat' filma proiektatu eta Txikon Juanba Berasategin hartuko dute datorren asteazkenean.
Alex Txikon Donibaneko Juanba Berasategi aretoan izango da datorren asteazkenean. 
Itsastarrak mendi taldeak Alex Txikonen La montaña desnuda. Primera ascension invernal al Nanga Parbat filma aurkeztu eta proiektatuko du datorren asteazkenean -hilak 21- 19:00etan Donibaneko Juanba Berasategi aretoan.
Protagonista bertan izango da, munduko mendi altuenetan bederatzigarrena neguan igo zueneko esperientzia pasaitarrekin partekatzeko asmoz. Topaketan Txikonen liburua erosi ahal izango dute bertaratutakoek; idazkian, Himalaiako mendiaren igoerako sentimendu, sentsazio bizipen eta sufrimendua jaso du bizkaitar alpinistak.
Mendi taldeak ohartarazi du ekitaldira joan ahal izateko aurretik parte hartzea berretsi beharko dutela interesdunek, posta elektroniko bidez idatziz. Edozein zalantza dutenei bi kontaktu jarri dizkiete eskura: Bego Fontan (679 34 00 62) eta Pedro Andueza (635 75 42 47).
