[Galeria] 433 egun geroago, herri lasterketa bat Oarso Bidasoan: San Markoko Igoera. Irati Beorlegi eta Hodei Lujanbio garaile

2020ko otsailaren 16tik ez zela egiten herri lasterketa bat Oarso Bidasoan. Errenteria Atletismo Taldeak osasun segurtasun neurriak bermatu ditu.

Urko Etxebeste Petrirena

Errenteria-Orereta

2021/04/26

Oarso Bidasoko azken herri lasterketak, pandemiak dena geldiarazi baino lehen, 2020ko otsailaren 16an egin zituzten, Lezo-Jaizkibel mendi lasterketa, eta Irungo Maratoi Erdia. Bada 433 egun geroago, berriz ere hasi dira herri lasterketak: atzo egin zuten San Markoko Igoera, Errenteria Atletismo Taldeak (EAT) antolatua. 13 kilometro pasako bidea egiten Irati Beorlegi irundarra eta Hodei Lujanbio Goizuetan jaiotako oiartzuarra izan ziren azkarrenak. Unean ez zuten aitortzarik jaso, COVID-19ari aurre egiteko neurri zorrotzengatik ez zelako sari emate ekitaldirik izan.

Beraungo estadioa hasi eta bukatu zuten proba korrikalariek. Taldekako irteerak egin ziren, talde bakoitzean sei korrikalari zeudelarik. Gainera, bai lasterketa hasi baino lehen zein ondoren partaideek bakarkako eremuak izan zituzten aldatzeko eta euren ondasunak gordetzeko. Hasieran beti musukoarekin joan ziren, baita helmugaratzean ere. Hau da, EATk osasun segurtasun neurri zorrotzak hartu zituen dena ondo joan zedin, egoki. 145 korrikalarik bukatu zuten proba. Lasterketa segurua izan zen, hau da, EATren ahalegina asko baloratzekoa eta ikasteko modukoa izan zen.

Proba bukatu zuten 145 horien artean, honakoak dira emakumeen eta gizonen kategorietan lehen hamarren artean sailkatutakoak.

Emakumeak

1. Irati Beorlegi 1.17.18
2. Larraitz Etxebeste 1.17.23
3. Ohiane Aizpurua 1.25.40
4. Mari Carmen Seijas 1.25.41
5. Vanessa Alzaga 1.26.35
6. Libe Lafuente 1.26.41
7. Leire Mitxelena 1.26.52
8. Jone Briñas 1.28.31
9. Cecilia Moran 1.18.32
10. Leire Amiano 1.31.50

Gizonak

Hodei Lujanbio 57.52
2. Asier Landart 1.00.47
3. Ibai Alba 1.00.54
4. Aitor Conde 1.01.17
5. Ivan Blanes 1.02.18
6. Eneko Iñarra 1.03.43
7. Aitor San Sebastian 1.04.05
8. Xabat Pagola 1.04.21
9. Xabier Vega 1.05.00
10. Iker Perejon 1.05.24

Sailkapen osoa ikusteko sakatu hemen.

Jarraian, HITZAk atzokoan ateratako hainbat irudi ikus daitezke, helmugakoak eta bidekoak (Ana Cruzek eta Edurne Jauregik ateratakoak dira).

Erlazionatutako edukiaSan Markorako Igoera lasterketa, hilaren 25ean

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.