Asteburuan COVID-19agatik 101 positibo gehiago Oarsoaldean

Osteguneko datuekin alderatuta, 100.000 biztanleko tasek behera egin dute Errenteria-Oreretan, Lezon eta Pasaian. Oiartzungo tasa hazi egin da.

Urko Etxebeste Petrirena

Oarsoaldea

2021/04/26

Asteburuan, ostiraletik igandera, COVID-19agatik kutsatu direnen kopuruak gora egin du berriz ere Oarsoaldean. Eskualdeko lau herrien artean 101 kutsatu gehiago atzeman dira: 62 Errenteria-Oreretan, hemeretzi Oiartzunen, hamasei Pasaian eta lau Lezon. Osteguneko datuekin alderatuta, tasek zertxobait behera egin dute Errenteria-Oreretan, Lezon eta Pasaian. Goranzkoa izan da Oiartzungo bilakaera. Aurreko asteburuan (apirilaren 16tik 18ra) 91 kutsatu izan ziren Oarsoaldean.

Jarraian, atzoko datuak oinarri, herrietako tasa eguneratuak eta ostiralean. larunbatean eta igandean jasotako kutsatuak.

Errenteria-Orereta. Tasa: 627 (634koa zen ostegunean). Kutsatuak (ostirala-larunbata-igandea): 28-12-22.
Pasaia. Tasa: 771 (801ekoa zen ostegunean). Kutsatuak (ostirala-larunbata-igandea): 7-3-6.
Oiartzun. Tasa: 896 (819koa zen ostegunean). Kutsatuak (ostirala-larunbata-igandea): 7-7-5.
Lezo. Tasa: 723 (805ekoa zen ostegunean. Kutsatuak (ostirala-larunbata-igandea): 2-2-0.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.