Pala Motzeko Herrialdekoa, EPLErentzat
Aurtengo Gipuzkoako txapelketa EPLErentzat historiako onena izaten ari dela aitortu du klubak, umiltasunez.
Estefano eta Ruben txapela soinean. Argazkia: Gipuzkoako Euskal Pilota Federazioa Bolada paregabea EPLEko pilotariena, joan dena stean ere bikain aritu ziren, eta Gipuzkoako Pala Motzeko txapelak etxera ekarri dituzte. Lehenengo Mailan Estefanok eta Rubenek txapelak lortu zituzten Oiartzungo Txosten aurka 40-28 irabazita. Azken tanto bikainak jokatu zituen EPLEko bikoteak eta merezimendu osoz irabazi dute txapela.
Bigarren Mailako finalean, Eskisabelek eta Yorelek 40-34 irabazi zuten Oianguko pilotarien aurka. Partida oso orekatua 19na berdindu zuten arte; ondoren aurrea hartu zuten EPLEkoek. Partidarik galdu gabe amaitu dute txapelketa.
Eskisabel eta Yorel, txapela soinean. Argazkia: Gipuzkoako Euskal Pilota Federazioa
Aurtengo Gipuzkoako txapelketa EPLErentzat historiako onena izaten ari dela aitortu du klubak, umiltasunez. Bigarren mailako txapeldunorde larruzko paletan, Bigarren Mailako Eskuz Binakako txapeldunorde, Eskuz Binakako txapeldunak Lehenengo Mailan, eta ahaztu gabe, Batzokikok Hirugarren Mailako gomazko paletako titulua lortu duela. “Garaipen horiekin gozatzea dagokigu orain, eta lanean jarraitzea, gehiago etor daitezen”, esan dute EPLEko arduradunek.
