Urteko ohiko batzar nagusia egin du Orereta Ikastolak
140 bazkide bertaratu ziren batzarrera; guztiei eskerrak eman dizkie Orereta Ikastolak.
Orereta Ikastolaren Ohiko Batzar Nagusia. Argazkia: Orereta Ikastola Orereta Ikastola Kooperatiba Elkarteko ohiko batzar nagusia egin zuten hilaren 14an. 140 bazkidek hartu zuten parte eta ikastolak eskerrak eman dizkie guztiei, “denona baita eta denok baikara ikastola”. Ikastola denona eta denontzat izateko bidea sendotzea nabarmenduko omen da plan estrategiko berrian. Iaz egin behar zuten, baina pandemiagatik atzeratu eta aurten egingo dute plan hori. Besteak beste, martxan jarri duten baso eskola aipatu zuten eta koronabirusak ikastolako komunitatea indartu duela gaineratu dute arduradunek, “berezkoak ditugu egoera horri aurre egiten lagundu diguten ezaugarriak: elkarlana, elkar zaintza eta ekinez egitea”.
