Energia berriztagarrietarako laguntzak eska daitezke oraindik
Diru laguntza lerro hori urtarrilaren 5ean argitaratu zuen udalak, eta %20ra arteko laguntza lortzeko aukera dago. Abuztuaren 31 arte edota diru lerro horretarako bideratutako diru zatia amaitu arte eska daiteke laguntza.
Eguzki plakak Galtzaraborda Kiroldegiaren teilatuan. Argazkia: Errenteriako Udala Energia berriztagarriekin lotutako proiektuetarako diru laguntzak eska daitezke oraindik. Diru laguntza lerro hori urtarrilaren 5ean argitaratu zuen udalak, eta %20ra arteko laguntza lortzeko aukera dago. Abuztuaren 31 arte edota diru lerro horretarako bideratutako diru zatia amaitu arte eska daiteke laguntza.
Proiektua eguzki plakei lotutakoa balitz, gainera, udalaren diru laguntza lerroaz gain Energiaren Euskal Erakundearen EEE %25eko laguntza lortzeko aukera legoke. Azken horretarako eskaerak egiteko epea, ekainaren 30ean amaituko da.
Diruz lagunduko diren proiektuak, honakoak: eguzki plaka fotovoltaikoak edo-eta eguzki plaka termikoak jartzea, eta biomasa galerak instalatzea.
Diru laguntzen bidez, ingurumenaren hobekuntza lortzearekin batera, herriko eragileek Errenteriaren iraunkortasunean parte hartze aktiboa izatea bilatzen du udalak.
Informazio gehiago, hemen.
