COVID-19a pasa dutenen egoera fisikoa hobetzeko ikastaroa abiarazi dute
Programak gaitza gainditu osteko egoera fisikoa hobetzea eta kirolarekiko atxikimendua lortzea du helburu. Bi hilabeteko iraupena izango du.
Pasaia Badia Aktiboa estrategiaren barne, CovidFit ikastaroa jarri du martxan udalak, gaitza gainditu osteko egoera fisikoa hobetzeko eta jarduera fisikoarekiko atxikimendua lortzeko.
Iniziatiba zuzenduta dago, espresuki, COVID-19a etxean edo ospitalean pasa, baina momentu honetan egonkortze fasean edo ondorio arineko fase batean dauden pasaitarrarentzat.
Programak bi hilabeteko iraupena izango du -maiatzaren 4tik ekainaren 25era- eta saioak astearteetan (11:30etik 12:30era, Donibaneko kirolgunean, San Pedroko udal gimnasioan edo Antxoko Ibaiondo pilotalekuan) eta ostiraletan ( 11:30etik 12:30era San Pedroko udal gimnasioan) izango dira.
Izena eman edo informazio gehiago eskuratzeko Jarduera Fisikoaren eta Kirolaren Zerbitzura posta elektroniko bidez idatzi edo deitu beharko da (634 55 50 49).
