Udaberriko ipuin kapsulak Lezon
Maiatzaren 7tik ekainaren 11ra Internet bidezko sei ipuin kontaketa helaraziko ditu lezoarren etxeetara (eta nahi duten guztienetara) Andreone liburutegiak.
Ixabel Agirresarobek ekingo die ipuin pilulei. Artxiboko irudia da honakoa. Ipuin kapsulak Lezora bueltan dira. Koronabirusak eragindako egoeragatik erreferentzia ziren Andreoneko Udal Liburutegiko ipuin kontaketa saioak ezin egin. Baina lasai, Andreone lezoarren etxeetara joango da, ipuinekin.
Maiatzaren 7tik ekainaren 11ra, ostiralero, Interneteko konexioa duen edozein gailutik jarraitu ahal izango da ipuin pilulen bigarren ekitaldia. Konexioa izanda, sartu Lezoko Andreone Udal Liburutegiaren Youtube txokora, eta bertan izango dira gozagai ipuinak.
Hiru kontalarik bina ipuin sareratuko dituzte sei ostiral horietan. Honakoa da horien zerrenda (den-denen emanaldia dagokion eguneko 16:00etan hasiko da).
- Maiatzaren 7an. Ixabel Agirresaroberekin Txori andrea & Hiru anai-arreba
- Maiatzaren 14an. Ixabel Agirresaroberekin Errotariaren txakurra & Sagar gorri tripa zorri.
- Maiatzaren 21ean. Mikel Susperregirekin Guadalupera asto gainean.
- Maiatzaren 28an. Mikel Susperregirekin Bonatxoko tunela.
- Ekainaren 4an. Maite Frankorekin Txorikaka, hala dut izenaaa!
- Ekainaren 11n. Maite Frankorekin Otsoaren mendekua.
