'Aukerak sortzen' prozesuaren ondorioak aurkeztuko ditu Lau Haizetarak
Ostegunean egingo dute prozesuaren ondorioen partekatze saioa Xenpelar Etxean, 19:00etan hasita.
Parte hartze prozesuko bigarren saioan bildutakoak, familia argazkian. Argazkia: Lau Haizetara Euskaltzaleon Topagunea Aukerak sortzen parte hartze prozesua bukatuta, ondorioak aurkezteko saioa antolatu du Lau Haizetara Euskaltzaleon Topaguneak ostegunean. Xenpelar Etxean izango da, 19:00etan hasita.
Saioak 45 minutu iraungo ditu, eta prozesuan parte hartu dutenei, zein interesa izan dezaketen herritarrei begirakoa izango da saio hori. Osasun arrazoiengatik, parte hartzea baieztatzea eskatu du elkarteak 943 34 01 43 telefono zenbakira deituta edo posta elektronikora idatzita.
Prozesuaren gaineko datu batzuk aurreratu ditu elkarteak: 74 lagunek hartu dute parte guztira —32 emakume eta 42 gizon—. Xehetasun guztiak osteguneko saioan.
