Ipuin kapsula, 'Jon beldurgabea', liburu bat eta kartelburuak Lezoko kultur agendan
Ostiralean eta igandean antzerkiak jasoko ditu Gezalak. Andreoneren udaberriko lehen ipuin kapsula bihar da. Larunbatean, Mikel Antzaren aurkezpena.
Bihar arratsaldean taularatuko du Txalo konpainiak 'Jon beldurgabea' Bihartik igandera, Lezoko kultur programazioan bada zer arakatu, eta gozatu. Lau ekitaldi daude, antzerkiarekin, ipuin kontaketekin eta literaturarekin harremana dutenak.
Denboran lehena Andreone Lezoko Udal Liburutegiaren ipuin kapsula izango da, kultur azpiegituraren Youtube txokotik eskainiko dena. Ixabel Agirresarobek Txori andrea & Hiru anai-arreba ipuinak kontatuko dizkie haurrei, 16:00etan hasiko den saioan.
Asteburuko bigarrena, bihar Gezala Auditoriumean (17:15) taularatuko duten haurrentzat antzerkia da. Txalo Produkzioak taldekoek Grimm anaien Jon Beldurgabea ekarriko dute oholtzara. Hiru euroan hartu behar dira sarrerak udalaren tiket salmenta zerbitzutik.
Larunbatera jauzia. literaturara. 18:00etan, ikastolan, Mikel Antzak Arroz urez liburuaren aurkezpena egingo du Harekin solasean aritzeko aukera egongo da.
Asteburua bukatzeko, berriz ere antzerkia. Igandeko 19:30ean, Perigallo Teatro konpainiak Cabezas de cartel antzezlanari ekingo dio. Sarreraren prezioa zortzi eurokoa da, aurretik hartu beharrekoa.
