Zabalik da Lezoko udaleku irekietan izena emateko epea
Hilaren 14ra arteko epea dago aurre-matrikulazioa egiteko. Plaza lortzen dutenek hilaren 17tik aurrera ordaindu behar dute 80 euroko matrikula.
Hilaren 14ra arte, zabalik da Lezoko udaleku irekietan izena emateko epea. Udaleku horiek uztailaren 1ean hasi, eta 20ean bukatuko dira (astegunetan dira, 09:30-13:30 ordutegiarekin). 3-12 adin tartekoei begirakoa da udako aisia eskaintza (2009eta 2018 urteen artean jaiotakoak, biak barne), eta behin aurretiazko izen ematea eginda, plaza lortzen dutenek 80 euroko ordainketa egin beharko dute hilaren 17tik aurrera. Lezoko Udalaren webgunearen bitartez egin daitezke aurre-inskripzioak (bertan informazio osagarria dago).
Plazek muga dute, eta horiek baino gehiago badira izena ematen dutenak, zozketa bidez esleituko dira udalekuetako plazak. Gainera, COVID-19aren gaineko protokoloa ezarriko dute udalekuetan. Horien berri udalaren web orrian jaso daiteke.