Euskal erritmoen eta latin jazzaren fusioa Aldapeko Basque Latin Jazzen eskutik
Kontzertua doakoa izango da baina ezinbestekoa da gonbidapenak eskuratzea; astelehenetik aurrera banatuko dituzte Niessen Kulturguneko harreran.
Imanol Iribarren (pianoa) eta Peio Irigoien (Txistua). Argazkia: CArrera Gure bakarlariak zikloaren barruan eskaintza berritzailea EMKEk proposatu duena. Euskal erritmoen eta latin jazzaren fusioa egiten duen Aldapeko Basque Latin Jazz taldearen emanaldia antolatu du hilaren 16rako. Imanol Iribarrenen proiektu pertsonala dago taldearen oinarrian, hala jaio zen. Euskal Herriko txoko ezberdinetako abesti herrikoiak dakartza taldeak, mundutik bidaiatu ondoren izandako eraldaketa gozatuz, haien esentzia galdu gabe. Musika bidaia koloretsu eta erritmikoa eskainiko dute.
Taldeak gainera, bere lehen diskoa aurkeztuko du Errenteria-Oreretako emanaldi horretan IRI barrenetik. Imanol Iribarren (pianoa), Patricia Mancheño (baxu elektrikoa), Eva CAtala (Congas), Manu Pinzon (bateria), Peio Irigoien (txistua, dultzaina, tronpeta), Iñigo Cuenca (tronpeta), Alvaro Jarauta eta Iñigo Corauk (tronboia), osatzen dute taldea.
Emanaldia doakoa da, baina ezinbestekoa da gonbidapenak eskuratzea. Horiek astelehenean banatzen hasiko dira Niessen Kulturguneko harreran.
EMKEk konpromisoa berretsi du kultura zabaltzen eta herritarren eskura jartzen jarraitzeko, “ezin dugulako eten”. Hala musika espresio bide ezberdinak zabaltzen eta bultzada ematen jarraituko duela adierazi du, “zailtasunak zailtasun, formatu eszeniko eta proposamenak egungo errealitatera egokitzen jarraituko dugu, kontzertuak antolatzen eta eskaintzen, herriari kultura eskaintzen”.
