Garapen profesionalerako bi beka emango dituzte, 'talentua ereiteko'
STEM eremuan zerikusia duen arloren batean formakuntza duten 18 urtetik gorako pertsonei zuzenduta daude 7.000 eta 5.500 euroko bekak.
Oarsoaldea eskualdeko garapen agentziak, Gipuzkoako Foru Aldundiko Ekonomia Sustapen, Turismo eta Landa Inguruneko Departamentuaren laguntzarekin, Talentua ereiten garapen profesionalerako beken programa abiarazi du.
Iniziatibaren bidez talentua, formakuntza zentroak, enpresak eta teknologia batu nahi dira, eta parte hartzen duten pertsonei beka bat irabazteko aukera eskainiko zaie, lanean jarraitzeko.
Talentua ereiten beka
Programak 18 urtetik gorako pertsonak bilatzen ditu, STEM (zientzia, teknologia, ingeniaritza eta matematika) arloren batean oinarrizko prestakuntza dutenak, izaera berritzaile eta sortzailea dutenak, erronka teknologikoekiko kezkak dituztenak eta proiektu teknologikoen garapenarekin lotutako etorkizun profesionala izateko nahia dutenak.
Eskualdeko enpresa batean erronka teknologiko jakin bat garatuz profesionalki eboluzionatzeko aukera eskaintzen du bekak.
Hiru hilabetez, parte-hartzaileek prestakuntza-plan bat burutuko dute, eskualdeko enpresa batean parte hartzen duten proiektua garatzeko beharrezkoak diren ezagutzak eskuratzeko.
Parte hartzen duten proiektuen artean bi aukeratuko dira, eta ekarpen ekonomiko hau jasoko dute: 7.000 euro, lehen aukeratuarentzat, eta 5.500 euro, bigarrenarentzat. Ekarpen hori proiektuaren garapenerako erabiliko da pertsona horien kontratazioaren bitartez.
Prozesuari buruzko informazio gehiago eskuratzeko edota izena emateko, egin klik hemen.
