Borreroaren oinetan jarriko ditu ikusleak OzZinemak, Berlanga omentzeko
Hitzordua bihar, 19:00etan Niessen zinemetan. Sarrerak 4 euroan eros daitezke Niessen Kulturguneko harreran.
Berlangaren 'El verdugo' filmaren irudi bat. Luis Garcia Berlanga errealizadore handiaren jaiotzaren mendeurrena bete da aurten, eta hori horrela, bere omenaldia, xumea, eskaini nahi dio OzZinema zineklubak. Horretarako Berlangaren maisu lana den El Verdugo filma aukeratu du bihar pantaila handira eramateko. Jose Luisek, ehorztetxe bateko langileak, Alemaniara joan nahi du mekanikari on bihurtzeko. Neska laguna, borrero profesional baten alaba da, eta mutil lagunarekin intimitatean harrapatzen dituenean, ezkonarazi egingo ditu biak.
Erretiratzear den aitaginarrebak, hutsik utziko duen borrero postua hartzera animatuko du suhia, baita konbentzitu ere hura eskatzera.
Borrero egingo da, etxebizitza izateko, etorkizuna ziurtatzeko, ohartu gabe espaziorik arriskutsuenean barneratu dela, heriotzaren eremuan, beste gizakiak eliminatzeko espazioan.
Oinarri moral itzela duen komedia superlatiboa da Berlangaren lana. Heriotza zigorraren eta herrialde baten balio sozial eta kulturalen salaketa irmoa.
Hitzordua bihar, 19:00etan Niessen zinemetan. Sarrerak 4 euroan eros daitezke Niessen Kulturguneko harreran.
