Lekuona Fabrika ezagutzeko herritarrei begirako bisita gidatuak
Herritarrek Lekuona Fabrika berria lehen eskutik ezagutzeko aukera izango dute udalak antolatu dituen bisita gidatuen eskutik.
Lekuona Fabrikako Sorlekua auditorioa. Herritarrek Lekuona Fabrika berria lehen eskutik ezagutzeko aukera izango dute udalak antolatu dituen bisita gidatuen eskutik. Astelehenetik ostiralera bi saio eskainiko dituzte 11:00etan eta 19:00etan eta larunbatean 12:00etan eta 18:00etan. Bisita egiteko ezinbestekoa da izena ematea; horretarako, bibe.me aplikaziora jo behar dute bisita egin nahi duten herritarrek hitzordua egiteko.
Pertsona bakoitzak lau gonbidapen eskuratu ahalko ditu, eta saioak euskaraz eta gazteleraz egingo dituzte tarteka. Aforoa bete ahala beste egunetarako agenda zabalduko du udalak bisitak egiten jarraitzeko, eta ekainera arte mantentzea aurreikusi du herritarren eskaeren arabera betiere.
