[Atzeratuta] Zapelatz bat eta Urubi bat askatuko dituzte Listorretan
Igeldoko Arrano Etxearen zeregin nagusia zauritutako animaliak osatzea da, natura ingurura itzultzeko ondoren.
Igeldoko Arrano Etxean sendatutako zapelatz bat eta urubi bat askatuko zituzten Listorretan larunbatean. Eguraldi iragarpenak direla eta, atzeratu egin dute hegazti askatzea, ezin dutelako euritan egin. Horrenbestez, datorren larunbatean izango da hegazti askatzea, hilaren 22an, 20:00etan.
Askatu aurretik hainbat azalpen emango dituzte bi hegaztien inguruan, Gipuzkoako Foru Aldundiko basozainek. 20:00etan izango da bi hegaztien askatzea, 3 euro balio du parte hartzeak, eta aldez aurretik izena ematea ezinbestekoa da 943 49 50 69 edo 688 89 50 68 telefono zenbakietara deitu, edo posta elektronikora idatz dezakete. Esterilla eramatea gomendatu dute, lurrean eseriko direlako hegaztiak askatzeko eta azalpenak jarraitzeko.
Igeldoko Arrano Etxearen zeregin nagusia zauritutako animaliak osatzea da, natura ingurura itzultzeko ondoren.
